नागरिकता पाउनै समस्या ः समलिंगी तेश्रोलिंगी

blue-diamond-society-logo

भक्तपुर जेठ १०- समलिंगी तेश्रोलिंगीले पहिचान सहितको नागरिकता लिने प्रक्रिया झन्झटिलो भएको गुनासो गरेका छन् । शुक्रबारदेखि भक्तपुरमा जारी दुई दिने तालिममा सहभागी समलिंगी तेश्रोलिंगीले पहिचान सहितको नागरिकता लिने प्रक्रिया झण्झटिलो भएको गुनासो गरेका हुन् ।
गृहमन्त्रालयले पहिचान अनुसार अन्य उल्लेख गरेर नागरिकता दिन परिपत्र जारी गरेपनि आफूहले अन्य उल्लेख भएको नागरिकता पाउन झण्झट व्यहोर्नु परेको तेश्रोलिंगी सिमरन शेरचनले बताइन ।
‘हामीले नागरिकता पाउन साह्रै अफ्ठ्यारो छ । दोश्रो पटक हुन लागेको संविधानसभा चुनावमा पनि मत हाल्न पाउने अधिकारबाट वञ्चित हुने अवस्था आएको छ’, शेरचनले भनिन । यो गुनासो शेरचन एक्लोको होइन । नेपालमा रहेका समलिंगी तेश्रोलिंगी समूदायले अहिले भोगिरहेको साझा समस्या हो । सहज रुपमा नागरिकता पाउनका लागि नील हिरा समाजले प्रधानमन्त्री तथा मन्त्रीपरिषदको कार्यालयलाई परिपत्र जारी गर्न निवेदन दिएको लामो समय भइसक्दा पनि परिपत्र जारी नहुँदा यि गुनासा बढ्दै गएका छन् ।
तेश्रोलिंगी सुमन तामाङले सहज रुपमा नागरिकता पाउने वातावरण बनाउन सरकारसँग आग्रह गरे । उनले समलिंगी विवाहलाई मान्यता दिने कानुन बनाउन पनि माग गरे ।
‘समलिंगी विवाहलाई मान्यता दिने कानुन निर्माण नहुँदा सँगै हिडडुल गर्न समेत समस्या छ’, उनको गुनासो छ ।
अधिवक्ता विन्द्रा महर्जन र ज्ञानु महर्जनले अधिकार प्राप्तीका लागि खुलेर आउनु पर्ने र समस्या परेमा सम्वन्धित निकायको ढोका घचघच्याउनु पर्ने बताए । नील हिरा समाजले जेठ ९ र १० गते संचालन गरेको तालिममा सहभागी समलिंगी तेश्रोलिंगीले तालिमबाट सिकेका विषयमा आ आफ्नो कार्यक्षेत्रमा रहेका समूदायका सदस्यलाई जानकारी गराउने बताए । उनीहरुले यस्ता तालिम अझ धेरै हुनुपर्नेमा जोड समेत दिएका छन् ।

By bluediamondsociety

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s