समलिंगी तेश्रोलिंगीलाई सहज रुपमा नागरिकता दिन माग

nagarikta1_20121028084751

काठमाडौं, बैशाख ११– नील हिरा समाजले समलिंगी तेश्रोलिंगीलाई सहज रुपमा नागरिकता वितरण गर्न सरकारसँग माग गरेको छ । गृहमन्त्रालयको परिपत्रपछि पनि सहज रुपमा नागरिकता पाउन नसकेको गुनासो आएपछि समाजले प्रधानमन्त्री तथा मन्त्रिपरिषद कार्यालयको लैंगिक सशक्तिकरण विभागमा पत्र लेखेर सहज रुपमा नागरिकता पाउनु पर्ने माग गरेको हो ।

समाजका कार्यकारी निर्देशक सुनिलवावु पन्तले मन्त्रिपरिषद् कार्यालयमा समलिंगी तेश्रोलिंगीले सहज रुपमा नागरिकता पाउन र फोटो सहितको मतदाता नामावली संकलनमा सहभागी हुन पाउनका लागि परिपत्र जारी गर्न माग गरेको जानकारी दिए ।

‘नागरिकता सहज रुपमा पाउनु पर्‍यो । फोटो सहितको मतदाता नामावली संकलनमा समलिंगी तेश्रोलिंगी छुट्नु भएन’, कार्यकारी निर्देशक पन्तले भन्नुभयो । यसका लागि आवश्यक निर्देशन र परिपत्र जारी गर्न सरकारसँग माग गरे ।

समाजका कार्यकारी निर्देशक पन्तकै पहलमा गृहमन्त्रालयले २०६९ साल पुष १६ गते यौनिक तथा लैंगिक अल्पसंख्यक समूदायलाई अन्य उल्लेख गरेर नागरिकता दिन परिपत्र जारी गरिसकेको छ । गृहमन्त्रालयको परिपत्र पछि पनि देशभरका समलिंगी तेश्रोलिंगीले सहज रुपमा नागरिकता पाउन नसकेको गुनासो आएकाले सरकारसँग आवश्यक निर्देशन र परिपत्र जारी गर्न माग गरेको पन्तले बताए ।

नागरिकता लिन हैरानी

केही समयअघि रेडियो कार्यक्रम पहिचानमा मकवानपुरकी तेश्रोलिंगी अजिता भुजेलले नागरिकता लिन हप्तौ लागेको गुनासो गरेकी थिइन् । नील हिरा समाजले नागरिकता पाउन, मतदाता नामावलीमा नाम लेखाउन र उम्मेदवार बन्न पाउने सुनिश्चितताका लागि सरकारलाई दवाव दिदै आएको छ ।

विद्यालय र क्याम्पसमा पनि उस्तै गाह्रो

समाजले विद्यालय र क्याम्पसमा समलिंगी तेश्रोलिंगीलाई सहज रुपमा भर्ना लिने र पढ्न दिने व्यवस्थाका लागि पनि निर्देशन दिन सरकारसँग माग गरेको छ । समाजका कार्यकारी निर्देशक पन्तले समलिंगी तेश्रोलिंगीलाई विद्यालय र क्याम्पसमा अरु नागरिक सरह अध्ययन गर्ने वातावरण नभएको गुनासो आइरहेकाले अरु नागरिक सरह अध्ययन गर्न पाउने अधिकार सुनिश्चितताका लागि आवश्यक निर्देशन र परिपत्र जारी गर्न माग गरेको जानकारी दिए ।

अस्पतालमा अप्ठेरो

अस्पतालमा पनि लैंगिक अल्पसंख्यकहरुलाई उस्तै हैरानी छ । मन्त्रिपरिषद् कार्यालयमा कार्यकारी निर्देशक पन्तले समलिंगी तेश्रोलिंगीलाई अस्पतालमा उपचार गर्न भइरहेको समस्या समाधान हुने गरी आवश्यक निर्देशन दिन र समलिंगी तेश्रोलिंगीका लागि छुट्टै शौचालय निर्माणका लागि चासो राख्न सरकारसँग माग गरेको जानकारी दिएका छन् ।

By bluediamondsociety

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s